Llazarevski vet në ndarjen e çmimeve për fishkëllyes, Kostovski ende qëndron larg publikut
Fishkëllyesit Xvonko Kostovski dhe Gjorgji Llazarevski u nominuan për çmimin për lirinë e shprehjes. Kostovski këtë herë ngeli larg syve të publikut dhe vendosi që të mos paraqitet në ndarjen e çmimeve, i pranishëm ishte vetëm Gjorgji Llazarevski, transmeton Portalb.mk.
Si të punësuar në Drejtorinë për Siguri dhe Kundërzbulim (DSK), ata tre vjet kanë punuar me qëllim që ta dokumentojnë përgjimin e paligjshëm të mbi 20.000 qytetarëve. Bisedat më vonë janë bërë dëshmi e Prokurorisë Speciale Publike për akuzë ndaj 94 personave dhe 7 kompanive.
Gjorgji Llazarevski ka kaluar 11 muaj në burg për rastin “Puç“ i cili ka pasur të bëjë me “bombat” të cilat kryeministri Zoran Zaev i ka publikuar në kohën kur ka qenë lider i opozitës, rast të cilin Prokuroria Speciale Publike e mbylli me sqarimin nëpërmjet lëndës “Target Fortesa”, e cila zbulon se si është bërë përgjimi masiv.
Derisa ka folur, fishkëllyesja nga Franca, Stefani Gibaud, e cila u përlot duke thënë se është e lumtur që është e gjallë, mund të shihen edhe lot në sytë e Llazarevskit.
“Çmimi për lirinë e shprehjes” është çmim vjetor e cila ndahet nga Koalicioni për Mbrojtjen e Fishkëllyesve në Evropën Juglindore dhe Qendra Evropiane për Mbrojtjen e të Drejtave të Fishkëllyesve.