Talibanët marrin kontrollin e një qarku në veri të Afganistanit
Militantët talibanë morën kontrollin e një qarku në provincën veriore Baglan të Afganistanit, pas dy ditësh luftime, transmeton REL.
Zyrtarët policorë thanë se forcat qeveritare e braktisën qarkun Tala Va Vafrak, pasi mbetën pa furnizime.
“Talibanët kanë sulmuar qarkun për disa ditë dhe ne jemi detyruar të tërhiqemi”, tha zëdhënësi i policisë provinciale, Zabihullah Shuja.
Më 5 maj, forcat qeveritare rimorën qarkun Kohistan, i cili për kohë të shkurtër ra nën kontrollin e talibanëve.
Kohistan ndodhet në provincën Badakhshan, ku talibanët kontrollojnë dy nga 28 qarqet e saj.
