Shënohet Dita e Dëshmorëve të Kombit
Dita e Dëshmorëve- Martirëve të kombit, 5 maji shënohet edhe në vendin tonë me disa aktivitete nga ana e Shoqatës së Veteranëve të Luftës së UÇK-së, përcjell Portalb.mk.
Nderime dhe homazhe dëshmoreve do të bëhen në shumë qytete të Maqedonisë duke filluar nga ora 9:00 deri në orën 16:00.
Janë ftuar të gjithë familjet e dëshmorëve-martirëve, bashkëveprimtarët, bashkëluftëtarët, të plagosurit e lirisë, atdhetarët e subjekteve politike e jopolitike, që më 5 maj të marrin pjesë në shënimin e Ditës së Dëshmorëve – Martirëve.
