Aksident trafiku afër Mitrovicës, 7 të lënduar
Një aksident i rëndë trafiku ka ndodhur sonte në rrugën rajonale Mitrovicë-Skenderaj.
Policia e Kosovës e ka konfirmuar lajmin për aksidentin me të lënduar.
Sipas zëdhënësit të Policisë Rajonale të Mitrovicës, Avni Zahiti, aksidenti ka ndodhur rreth orës 19:00, në rrugën rajonale Mitrovicë-Skenderaj, në segmentin rrugor fshati Broboniq.
“Në aksident janë të përfshira dy vetura civile. Si pasojë e aksidentit 7 persona kanë pësuar lëndime, për çka kanë kërkuar tretman mjekësor ne Spitalin Rajonal në Mitrovicë“, tha Zahiti për KALLXO.com.
