Impianti bërthamor lundrues rus del në det

Impianti bërthamor rus i diskutueshëm filloi lundrimin e tij në det, transmeton Anadolu Agency (AA).

Fabrika lundruese “Akademik Lomonosov” të shtunën doli nga kantieri në Shën Petersburg ku u ndërtua. Fabrika do të lundrojë përmes Detit Baltik rreth majës veriore të Norvegjisë deri në Murmansk, ku reaktorët e saj do të mbushen me lëndë djegëse bërthamore.

Lomonosov do të vihet në përdorim në vitin 2019 në Arktik pranë bregut të Chukotke në Lindjen e Largët, ku do të furnizojë me energji elektrike qytetin port dhe pikat e naftës.

Projekti ishte subjekt i kritikave të mëdha të organizatave mjedisore. Greenpeace e ka quajtur Lomonosov “Çernobili lundrues”.