Operacioni “Dega e ullirit”, forcat turke kanë vrarë 1.141 individë
Forcat e armatosura turke kanë vrarë 1.141 individë gjatë operacionit “Dega e ullirit “në rajonin e qytetit Afrin në pjesën veriore të Sirisë, kumtoi sot Shtatmadhoria e armatës turke.
Në kuadër të operacionit të sotëm në Afrin forcat turke kanë vrarë edhe 79 individë nga Forcat për mbrojtjen e popullit, Partia Punëtore Kurde, Partia e Lidhjes Demokratike dhe nga grupi xhihadist Shteti Islamik.
Nga fillimi i aksionit deri më tani kanë humbur jetën gjithsej 1.141 individë. Ofensiva e ushtrisë turke “Dega e ullirit” filloi më 20 janar.
