Goditet klani mafioz “Spada” në Itali, 32 të arrestuar
Operacion kundër klanit “Spada” në Ostia në Itali nga ana e policisë dhe karabinierëve. Janë lëshuar gjithsej 32 urdhër-arreste nga Prokuroria e Romës në kuadër të ligjit anti-mafie. Operacioni është kryer në mëngjes dhe policia ka vënë në pranga si kapot e dyshuar, ashtu edhe dhjetëra persona bashkëpunëtorë të klanit. Mes urdhrave të arrestit është edhe Roberto Spada, tashmë në burg për dhunën fizike ndaj reporterit të Rai 3 dhe vëllai i tij Carmine.
Akuza e Prokurorisë ndaj të dyshuarve, është organizatë kriminale dhe mafioze. Është hera e parë që familja Spada vihet në shënjestër nga shteti italian, por mediat përtej Adriatikut shprehen organi i akuzës kishte dy vjet që hetonte për këtë klan mafioz. Kap[ot dhe bashkëpunëtorët e tyre, akuzohen si “përgjegjës” mes të tjerash, se kanë ngritur, organizuar dhe marrë pjesë në një organizatë kriminale të tipit mafioz në territorin lacial dhe në veçanti në Ostia.