19 vjet nga masakra e Reçakut

Fshati Reçak i Shtimes ishte tronditur mëngjesin e hershëm të  15 janarit të vitit 1999.

Aty ishin masakruar 45 persona, nga forcat serbe, njofton Klan Kosova.

Për të përkujtuar këtë krim mizor, që bëri botën të kthejë sytë kah Kosova, sot gjatë ditës do të ketë disa aktivitete në kujtim të viktimave.

Në Reçak, liderët institucional do të bëjnë homazhe në Kompleksin Përkujtimor, kurse nga ora 11:00 do të mbahet një akademi përkujtimore.