Panik në Bagdad për shkak të tërmetit, tronditje e fortë edhe në Iran
Një tërmet me intensitet prej 5,5 ballësh sipas shkallës Rihter e tronditi Bagdadin dhe pjesën qendrore të Irakut.
Sipas mediave lokale, tërmeti dhe tronditjet e njëpasnjëshme shkaktuan panik në qendrën e Bagdadit ku banorët dilnin jashtë ndërtesave.
Nuk ka raport për viktimat apo dëmet materiale. Televizioni iranian njoftoi se ekipet e shpëtimit pas tërmetit janë dërguar në krahinën Kermanshah në kufi me Irakun.
Vitin e kaluar në tërmetin në Kermanshah humbën jetën 620 persona dhe u lënduan disa mijëra vetë.