Gjuriq: Asociacioni duhej themeluar tash pesë vjet
Drejtori i së ashtuquajturës Zyrës për Kosovën, Marko Gjuriq, deklaroi sot se “jo me shumë entuziazëm” ka përcjellë paralajmërimet e autoriteteve kosovare se formimi i asociacionit do të jetë prioritet vitin e ardhshëm, duke shtuar se kjo duhej të kishte ndodhur gati pesë vjet më parë.
Gjuriq tha se në faqen e internetit të Zyrës për Kosovën gjendet ora që mat kohën pasi Prishtina mori përsipër detyrimin për të formuar Asociacionin dhe aty shkruan 1,708 ditë.
