Tetë të vdekur nga sulmi ndaj një kishe metodiste në Pakistan
Së paku tetë njerëz e humbën jetën, ndërsa 45 janë lënduar gjatë një sulmi ndaj një kishe metodiste në qytetin pakistanez Keta.
Autoritetet në provincën paklistaneze Bellusxhistan deklaruan se gjatë sulmit në kishë ka pasur mbi 400 besimtarë. Dy vetëvrasës-me bombë kanë hyrë në kishë dhe kanë hapur zjarr ndaj besimtarëve. Sigurimi ka arritur të vrasë njërin nga sulmuesit në hyrje të tempullit. Sulmuesi i dytë është plagosur, por ka arritur ta aktivizojë mjetin shpërthyes së ka mbajtur në vete.
Ai e ka aktivizuar bombën jashtë kishës që parandaloi një numër të madh viktimash.
Ende askush nuk e ka marrë përgjegjësinë për sulmin.
Ekstremistët myslimanë edhe paraprakisht kryen sulme ndaj pakicës krishtere në Pakistan.
