Kjo recetë e lashtë sa vetë njerëzimi, bën mirë për ftohjen dhe gripin
Supa e pulës është kura më e mirë për t’i bërë ballë ftohjes dhe gripit, konfirmojnë shkencëtarët.
Një studim i fundit ka zbuluar se supa e pulës mund të lehtësojë simptomat e infeksioneve të rrugëve të sipërme të frymëmarrjes falë përmbajtjes së lartë në agjentët anti-inflamatorë. Shekncëtarët pohojnë se aroma, erëzat dhe ngrohtësia e supës mund të ndihmojnë në lirimin e hundëve të zëna nga ftohjet e zakonshme, njofton Shendeti.com.al.
Kjo është receta e gjyshes e aprovuar edhe shkencërisht.
Përbërësit
- 1 pulë për pjekje
- 1 pako me krahë pule
- 3 qepë të mëdha
- 1 patate e ëmbël
- 2 rrepa
- 11-12 karota
- 5-6 rrënjë selino
- 1 tufë majdanoz
- Kripë dhe piper
Përgatitja
- Pastroni pulën, e vendosni në një tenxhere të madhe dhe mbulojeni me ujë të ftohtë. Lëreni të ziejë.
- Shtoni krahët e pulës, qepët, pataten e ëmbël, karotat dhe rrepat. Lërini të ziejnë përreth 1 orë e gjysmë. Largoni yndyrën e mbledhur në sipërfaqe.
- Shtoni majdanozin dhe selinon dhe lëreni të ziejnë përreth 45 minuta të tjera.
- Hiqeni pulën dhe e skuqni në një tavë më vete.
- Ndërsa perimet i kaloni në një mikser dhe i copëtoni mirë.
- E kaloni përzierjen në një enë, shtoni kripën dhe piperin dhe është gati për t’u konsumuar.
Ju bëftë mirë!
