Thaçi udhëton për në kryeqytetin kanadez, Otavë

Presidenti, Hashim Thaçi, pas qëndrimit të tij në Halifax, ku mori pjesë në Forumin Ndërkombëtar të Sigurisë, ka udhëtuar sot për në kryeqytetin kanadez, në Otavë, ku do të zhvillojë një sërë takimesh me përfaqësues të Qeverisë dhe Parlamentit të Kanadasë, transmeton Klan Kosova.
Kreu i shtetit kosovar gjatë qëndrimit të tij në Otavë do të takojë homologen e tij, Julie Payette, kryetarin e Senatit, ministren e Punëve të Jashtme, Komisionin për Punë të Jashtme dhe Zhvillim Ndërkombëtarë, përfaqësues të partive, si dhe përfaqësues të shoqërisë civile.