SHI me kanosje të reja për sulme në Iran
SHI-ja xhihadiste e kërcënoi Iranin për sulme terroriste të reja në kryeqytetin Teheran.
Në një video të publikuar prej agjencisë informative të SHI-së, Amak, iranianëve të rinj u bëhet thirrje që të fillojnë me xhihadin në atdheun e tyre.
Në video janë paraqitur inserte prej dy sulmeve në kryeqytetin iranian në qershor për të cilat përgjegjësinë e ndërmori SHI. Në këto sulme jetën e humbën të paktën 18 persona. Agjencia thekson se Irani është një prej armiqve më të mëdhenj në Lindjen e Afërt.