Policia parandalon vjedhjen e Kishës së Oktisit
Pas masave operative Stacioni policor i Veleshtës këtë fundjavë arrestoi personin me iniciale XH.I 33 vjeç nga fshati Oktis të cilin arriti ta parandaloj në oborrin e kishës ”Shëni Nikolla” ku i dyshuari synonte të bënte vjedhje.
Gjatë arrestimit të XH.I iu gjetën edhe pajisjet me të cilat ai synonte të shpërthente derën kryesore të kishës por intervenimi i shpejt policor e parandaloi atë në qëllimin e tij final.
Nga policia konfirmojnë se do të merren të gjitha masat për zbardhjen e tërësishme të këtij akti dhe paraqitjen e autorit përpara organeve të drejtësisë.
Për policinë e Strugës XH.I është i njohur për një sërë vjedhjesh të realizuara gjatë vitit 2011 dhe 2010.