SHBA, 16 viktima nga rrëzimi i një avioni ushtarak
Të paktën 16 persona kanë vdekur pasi një avion ushtarak amerikan u rrëzua në shtetin jugor të Misisipit.
Përplasja ndodhi të hënën rreth orës 16:00 sipas kohës (21:00 me orë shqiptare).
Të 16 viktimat ndodheshin në bordin e aeroplanit të Marinës amerikane dhe nuk pati asnjë të mbijetuar, tha drejtori i menaxhimit të emergjencave.
Guvernatori i Misisipit, Phil Bryant, tha nga ana tjetër se incidenti ishte një “tragjedi”.
“Ushtarët tanë rrezikojnë jetën çdo ditë për të siguruar lirinë tonë”, u shpreh ai.
Nuk janë bërë ende publike detajet zyrtare për rrethanat e rrëzimit.
Avioni u rrëzua në një fushë të mbjellash dhe la një gjurmë të mëdha mbetjesh.
FBI-ja mësohet se ka mbërritur në vendngjarje dhe po heton tragjedinë.