Francë, kabineti i ri qeveritar formohet nesër
Kabineti i ri qeveritar në Francë do të formihet nesër, raporton Anadolu Agency (AA).
Presidenti francez, Emmanuel Macron, përsëri ka mandatuar kryeministrin Edouard Philippe për formimin e kabinetit në vend, i cili kishte dhënë dorëheqje pas zgjidhjeve të përgjithshme.
Pritet që Philippe deri nesër në orën 18.00 të paraqes kabinetin e ri tek presidenti Macron.
LREM-MoDem, aleanca e udhëhequr nga Lëvizja për Marsh Republikan i Macron-it, duke fituar 350 deputetë prej gjithsej 577 deputetë në Kuvendin Kombëtar në raundin e dytë të zgjedhjeve të përgjithshme të mbajtur të dielën e kaluar kishte fituar shumicën.
Sipas rezultateve të zgjedhje në vend, 424 kandidatë ishin zgjedhur për herë të parë në parlament dhe 75 për qind e parlamentit ishte “rinovuar”.
Aleanca LR-UDI-DVD e udhëhequr nga Partia Republikane (LR) e qendrës së djathtë, fitoi vetëm 137 deputetë, ndërsa aleanca në udhëheqjen e Partisë Socialiste (PS) fitoi vetëm 45 deputetë.
Partia e Frontit Nacional (FN) e ekstremit të djathtë fitoi vetëm 8 deputetë, ndërsa aleanca FI/PCF në të cilën gjendet lëvizja Franca e Papërkulur e majtistit ekstrem nën udhëheqjen Jean-Luc Melenchon do të përfaqësohet nga 27 deputetë.
