Në pranverën e vitit 2018 mund të mbahen zgjedhje të reja

Në RTV Dukagjini është transmetuar emisioni Zona Express, ku është shfaqur dokumentari “Të gjithë fitues, të gjithë humbës”.

Në këtë dokumentar, Zona Express fokusohet në rezultatin e zgjedhjeve të parakohshme të 11 qershorit, fitoret e vetëshpallura dhe për atë nëse këto zgjedhje vërtetë kanë fitues dhe humbës.

Analistët politik mendojnë se inatet në mes të subjekteve politike parlamentare të Kosovës kanë bërë që bashkëpunimi që është i domosdoshëm mes tyre për të qeverisur vendin mund të mos arrihet fare.

Ata thonë se vijat e kuqe mund të çojnë drejtë asaj që asnjë grup politik të mos sigurojë përkrahjen e nevojshme për themelimin e qeverisë së re.

Analisti Ramush Tahiri thotë se ky opsion është më pak i mundshëm, ndonëse ai e sqaron se një nga opsionet mbetët edhe pajtimi i subjekteve politike për krijimin e një qeverie teknike me bazë të gjerë, pa opozitë.

Kjo sipas tij do të duhej të kalonte çështje madhore si demarkacioni dhe themelimin e asociacionit të komunave serbe, pas të cilës kosovarët, qysh në pranverën e vitit të ardhshëm t’iu drejtoheshin kutive të votimit edhe njëherë.