Atentat i trefishtë në Afganistan, 18 viktima dhe dhjetëra të plagosur

Të paktën 18 persona kanë mbetur të vrarë dhe dhjetëra të tjerë të plagosur në gjendje të rëndë. Është ky bilanci i një shpërthimi të trefishtë të ndodhur gjatë një ceremonie mortore në një varrezë në Kabul. Atentati ka ndodhur në momentin e varrimit të djalit të zëvendës presidentit të senatit, Alam Ezidyar, i cili mbeti i vrarë gjatë protestave kundër qeverisë në kryeqytetin afgan.