Arsim Bajrami: PDK-AAK-Nisma do t’i japin rezultatet e para për tre muaj
Kandidati për deputet nga radhët e koalicionit PDK-AAK-Nisma, Arsim Bajrami, ka thënë se i beson lidershipit të Ramush Haradinajt.
Ministri në detyrë i Arsimit nga PDK ka thënë se koalicioni i PDK’së me AAK’në, Nisman dhe partitë e tjera, është krijuar në bazë të mirëbesimit dhe se ndjehet optimist në vlerat e këtij partneriteti.
“Jam shumë optimist për shkak të lidershipit të PDK’së, që ka bërë hapin kryesor duke i ofruar postin e kryeministrit AAK’së, besoj shumë në lidershipin e z. Haradinaj”, ka thënë Bajrami në KTV.
Bajrami është shprehur i bindur se për tre muaj në Qeveri, ky koalicion do të arrijë t’i japë produktet e para qytetarëve të Kosovës.
