Çoliç: I kërkova falje Kosovës me performancën në Tiranë

Këngëtari serb, Zdravko Çoliç, ka komentuar pas polemikave të shumta rreth pjesëmarrjes së tij në fesitalin “Kënga Ime” në Klan.

Colic performoi në një prej netëve të festivalit të njohur të muzikës shqiptare në Klan dhe kjo ngriti shumë polemika pasi artistët nga Kosova u larguan dhe të tjerë artistë që nuk ishin të përfshirë në festival reaguan ashpër nëpër media.

Kjo nxiti polemika të shumta, e sidomos pasi u muar vesh që edhe një lokal mban emrin e këngëtarit në Tiranë.

Tani është vet Zdravko Colic ai që ka thyer heshtjen e tij. Ai për Panorama Plus tregon se nuk ka asgjë kundër Kosovës dhe e pranon atë të lirë.

Ai pranon që ka performuar në një ngjarje që përkrahte luftën e Serbisë ndaj Kosovës dhe thotë e bëri këtë pasi që në të kundërtën do të quhej tradhtar i kombit.

“Politikën nuk e kemi përmendur fare, nuk e di pse është bërë aq e madhe në këtë drejtim. E njëjta gjë do të ketë ndodhur edhe te ju shqiptarët në rast se do t’iu ftonin në një koncert të tillë. Unë kam dëgjuar që shumë artistë shqiptarë kanë mbështetur dhe vazhdojnë të mbështesin ngjarjet kombëtare që kanë të bëjnë me popullin nga e ke origjinën”.

“Sikur të mos e kisha bërë unë këtë gjë, do të dilja trdhtar i kombit tim. Sa i përket kërkesës së faljes, unë personalisht as nuk kam vrarë e as nuk e kam prerë njeri, të tjerë janë ata që duhet të kërkojnë falje. Faljen unë e kërkova me ardhjen në Tiranë, ku prezenca ime tregoi se nuk kam asgjë kundër shqiptarëve”.

“Kosova është e lirë dhe ky është një realitet. Sa do e dhimbshme të jetë për dikë, duhet pranuar kjo gjë në kohën moderne. Secili ka të drejtë të krijojë të drejtat e veta, ndoshta edhe ne si popull politika na ka bërë të gabojmë”.

“Mik nuk kam ndonjë artist nga Kosova, por nëpër aeroporte më ka rënë rasti të takoj disa kur kemi udhëtuar nëpër koncerte. Nuk ua kujtoj emrat, por vetëm më bie ndërmend kur stafi im më thoshte se ja ky ose kjo është këngëtar shqiptar”, deklaroi Zdravko Colic për Panorama.