Mustafa: PDK-së i dhamë shkollë se si qeveriset
Kryeministri në largim i Kosovës, Isa Mustafa, ka thënë se Lidhja Demokratike e Kosovës për këto tri vjet sa udhëhoqi me Qeverinë e Kosovës iu dha shkollë të gjithëve, e sidomos Partisë Demokratike të Kosovës se si qeveriset vendi, njofton klankosova.tv.
“I kemi dhënë shkollë PDK-së se si punohet për zhvillimin ekonomik. I kemi dhënë shkollë PDK-së dhe Kosovës se si bëhet buxheti dhe si menaxhohet buxheti. Dhe ne ju kemi dhënë shkollë se si luftohet korrupsioni dhe si sigurojmë që një qeverisje kryhet pa asnjë aferë korruptive”, ka thënë Mustafa në një intervistë të tij në RTV 21.
