Ahmeti: Ivanovi duhet t’ia dorëzojë mandatin shumicës së re parlamentare
Lideri i BDI-së Ali Ahmeti sot në selinë e Bashkimit Demokratik për Integrim në Tetovë, priti ambasadorin e Bashkimit Evropian, Samuel Zhbogar me të cilin bisedoi për gjendjen në shtet pas ngjarjeve të 27 prillit dhe për hapa e ardhshëm.
Ahmeti, siç kumtoi BDI i ka dënuar aktet e dhunës në Kuvend me ç’rast përsëriti qëndrimin e BDI-së që kthim mbrapa nuk ka.
“Pas zgjedhjes së kryetarit të Kuvendit, duhet që Ivanov të dorëzojë mandatin shumicës së re reformuese parlamentare dhe më pastaj të zgjidhet Qeveria e re”, thuhet në kumtesë.
Ahmeti ka falënderuar ambasasorin Zhbogar për mbështetjen e madhe ndërkombëtare dhe nënvizoi që liderët politik në Maqedoni duhet të përkujdesen për sigurinë dhe stabilitetin e vendit përballë përpjekjeve rajonale dhe gjeopolitike për destabilizim.
