Katër të vdekur gjatë një sulmi ndaj një karvani të NATO-s në Kabul
Të paktën katër persona e humbën jetën, ndërsa 22 të tjerë janë plagosur gjatë një sulmi vetëvrasës ndaj një karvani automjetesh të forcave të NATO-s në kryeqytetin afgan Kabul, njofton DPA.
Ministria afgane e Shëndetësisë kumtoi se të gjitha viktimat gjatë sulmit janë afganë, duke shtuar se nuk ka informacione për të vdekur apo për të plagosur në mesin e pjesëtarëve të Aleancës.
Gjatë sulmit, i cili ka ndodhur në afërsi të Ambasadës së SHBA-së në Kabul, janë shkatërruar ose në mënyrë serioze janë dëmtuar disa automjete civile.
Komanda e Misionit të NATO-s në Kabul refuzoi ta komentojë rastin.
Deri më tani askush nuk e ka ndërmarrë përgjegjësinë.