Piter Fejt: Nacionalistët në Maqedoni po luajnë me zjarr
“Nacionalistët në Maqedoni po luajnë me zjarr, pasi që refuzojnë ta dorëzojnë pushtetin”, deklaroi ndërmjetësuesi në bisedimet për nënshkrimin e Marrëveshjes Kornizë të Ohrit në vitin 2001, Piter Fejt, njofton Portalb.mk.
Në një intervsitë për “Rojters”, ai thekson se Bashkimi Evropian duhet ta shqyrtojë ndalimin e procesit të veprimit, për t’u tejkaluar qorrsokaku i rrezikshëm në vend. Diplomati holandez shprehu shqetësim edhe për rrezikun e eskalimit të mëtutjeshëm, e cila “ish shtetin jugosllav do ta çojë në luftë qytetare, në rast se BE vendos të mos jetë aktive”.
Për momentin, Fejt është këshilltar i lartë diplomatik në Institutin Evropian për Paqe, i cili i përkrah përpjekjet e BE-së në fushën e ndërmjetësimit dhe zgjidhjes së konflikteve.