Memedi: Të mos përdoret Platforma Shqiptare për nxitje të konflikteve ndër-etnike
Deputeti nga radhët e Aleancës për Shqiptarët, Vesel Memedi, në foltoren e Kuvendit të Maqedonisë shprehu se Platforma Shqiptare është vetëm arsye për bllokim të Kuvendit dhe se nuk duhet përdorur ajo që të nxiten qytetarët maqedonas për konflikte ndër-etnike, njofton Portalb.mk.
“Duke u thirr në vazhdimësi në Platformën Shqiptare duke gjet arsye për të bllokuar punën e Kuvendit, ju me automatizëm i aktivizoni edhe ngjarjet e mëhershme që kanë ndodhur në Maqedoni e të cilat mund të stimulojnë edhe bllokada të tjera. Prandaj, mos u thirrni në këto stimulues që të aktivizoni popullatën maqedonase për konflikte ndër-etnike”, tha Vesel Memedi.
Përndryshe ky qëndrim i Memedit erdhi pas debatit të VMRO-DPMNE-së dhe LSDM-së për ndërrim të pikës së rendit të ditë ku do të zgjedhet edhe kryetari i Kuvendit.