Osmani: Shumica parlamentare ka mënyrë për zhbllokim të Kuvendit
Në qoftë se propozimi për ndryshimin e rendit të ditës së seancës konstitutive nuk vihet në votim do të shkelet Rregullorja e Kuvendit. Zëdhënësi i BDI-së, Bujar Osmani, për TV21 tha se dëmi më i madh që mund t’i bëhet shtetit është mos lejimi i kalimit të pushtetit në mënyrë të shpejtë dhe të qetë.
Osmani shpreson se partia e ish-kryeministrit, Gruevski, nuk do ta bëjë një gjë të tillë.
“Mendoj se propozimi i dhënë për ndryshim të rendit të ditës është në kuadër të Rregullores së Kuvendit, dhe çdo veprim jashtë saj do të thotë[ shkelje e Rregullores. Pres që të gjitha partitë politike do të respektojnë Kushtetutën, Rregulloren dhe ligjin, sepse shkelja e Rregullores do të thotë edhe shkelje e vullnetit të popullit”, tha Bujar Osmani.
Nga LSDM shprehen se edhe më tutje janë optimist, se VMRO-DPMNE më në fundë do ta kuptojë se janë në opozitë.
“Shpresojmë se së shpejti do të zgjidhjet kryetari i ri i Kuvendit”, tha Petar Atanasov nga LSDM.