Kryeministri kanadez: Krimet e regjimit sirian s’bën të injorohen, mbështes Amerikën
Edhe kryeministri kanadez Justin Trudeau, ka reaguar për sulmet në Siri që u realizuan mbrëmë nga Shtetet e Bashkuara të Amerikës.
Ai thotë se Kanadaja i jep mbështetje të plotë veprimeve të Amerikës për ta degraduar regjimin e Assadit, i cili lëshoi armë kimike kundër civilëve të pafajshëm, në mesin e të cilëve kishte edhe fëmijë.
“Përdorimi i armëve kimike dhe krimet që regjimi sirian i ka kryer kundër njerëzve të tij nuk mund të injorohet”, ka thënë kryeministri kanadez.