Shqipëria mbështet SHBA-të për operacionin në Siri
Shqipëria mbështet operacionin e Shteteve të Bashkuara të Amerikës në Siri, transmeton Anadolu Agency (AA).
Ministri i Jashtëm i Shqipërisë, Ditmir Bushati, në një mesazh në profilin e tij zyrtar në Twitter është shprehur se “Bombardimet amerikane në Siri janë një përgjigje e fortë dhe e nevojshme e administratës amerikane kundër përdorimit të armëve kimike nga regjimi i Asadit.”
Ushtria e SHBA-ve, si reagim ndaj masakrës me armë kimike nga regjimi në rajonin Idlib të Sirisë ka ndërmarrë sot në mëngjes sulme me raketa kundër ushtrisë së Asadit.