Mogherini raporton sot për vizitën në Ballkan

Këshilli i Ministrave të Jashtëm të Bashkimit Evropian do të shqyrtojë sot situatën në Ballkanin Perëndimor, kur shefja e diplomacisë evropiane Federica Mogherini t’i lajmërojë ministrat për rezultatet e vizitës së saj në rajon, njofton koha.net, përcjell Portalb.mk.

Pritet që Këshilli të miratojë konkludimet, të cilat do të jenë baza për raportin të cilin liderët e 28 vendeve anëtare do ta miratojnë për Ballkanin Perëndimor në samitin më 9 dhe 10 mars në Bruksel.