PE propozim për viza ndaj shtetasve amerikanë
Parlamenti Evropian (PE) në kuadër të reciprocitetit ka kërkuar nga Komisioni Evropian që të zbatojë aplikimin e vizave për shtetasit amerikanë, raporton Anadolu Agency (AA).
Në Asamblenë e Përgjithshme të Parlamentit Evropian, është diskutuar për vazhdimin e zbatimit të vizave nga SHBA-të kundrejt disa qytetarëve të vendeve anëtare të BE-së.
Në një votim të kryer pas diskutimit është marrë një vendim që është jodetyrues ku theksohet se Komisioni i BE-së ligjërisht është i detyruar të zbatojë vizat për shtetasit e SHBA-ve e cila zbaton viza kundrejt qytetarëve të vendeve anëtare të BE-së.
Në vendim është kërkuar që KE-ja brenda dy muajve të bëjë hapat e nevojshëm kundrejt zbatueshmërisë së vizës për shtetasit amerikanë.
SHBA-të vazhdojnë të kërkojnë viza për qytetarët e Bullgarisë, Kroacisë, Qipros greke, Polonisë dhe Rumanisë të cilat janë anëtare të BE-së.
Edhe BE-ja në kuadër të mekanizmit të reciprocitetit të vizave duhet të bëjë hap kundër SHBA-ve e cila ruan pozicionin e saj aktual pavarësisht se janë bërë paralajmërimet e nevojshme.