Ky është arsyetimi i gjykatës për shtyrjen e seancës për Haradinajn (FOTO)
Gjykata e Apelit në Colmar sot ka shtyrë për 6 prill vendimin për lirimin ose ekstradimin e Ramush Haradinajt në Serbi, njofton Koha.net, përcjell Portalb.mk.
“Vendimi merret me 6 prill”, ka thënë Haradinaj pas përfundimit të seancës.
“Gjykata ka vendos për informata shtesë. Vendimi i radhës më 6 prill. Jam peng politik”, ka thënë ai.
Por, Gjykata e Colmarit menjëherë pas përfundimit të seancës së sotme ndaj kryetarit të AAK-së, Ramush Haradinaj, ka dalë me një shkresë zyrtare.
Gjykata në këtë komunikatë ka treguar arsyet e shtyrjes së vendimit më 6 prill për Haradinajn.
Haradinaj është arrestuar më 4 janar nga Policia franceze në bazë të një fletë arresti të lëshuar nga Serbia në vitin 2004.
