Pentagoni Shtëpisë së Bardhë i dorëzoi plan për luftë kundër SHI-së
Ministria e Mbrojtjes e SHBA-së dorëzoi plan fillestar deri te Shtëpia e Bardhë për luftë kundër organizatës terroriste Shteti Islamik.
Më 28 janar, tetë ditë pasi shkeli në detyrë presidenti Dinald Tramp, Pentagonit i dha afat prej 30 ditësh që të përgatisë propozim për përshpejtimin e fushatës kundër SHI-së.
“Plani i prezentuar është kornizë për një strategji më të gjerë kundër SHI-së”, theksoi zëdhënësi i Pentagonit, Xhef Dejvis.
Ai shtoi se në propozim është theksuar se lufta kundër SHI-së nuk do të jetë vetëm në Siri dhe Irak, ku kontrollon territore, por në mbarë botën.
Është paraparë sekretari i Mbrojtjes, Xhejms Matis ta prezentojë planin para përfaqësuesve të lartë të administratës së Trampit.
