Edhe një sulm vdekjeprurës në Pakistan
Së paku pesë veta janë vrarë dhe dhjetëra janë plagosur nga shpërthimi i një bombe në qytetin Lahore të Pakistanit, njofton Rel, përcjell Portalb.mk.
Sulmi ka ndodhur në një lagje të pasur tregtare, tha një zëdhënës i policisë në provincën Punxhab.
Pakistani është goditur nga disa sulme ditëve të fundit, përgjegjësinë për të cilat e kanë marrë grupet militante islamike.
Nëntëdhjetë veta janë vrarë javën e kaluar nga sulmi në një lokacion të shenjtë, në qytetin Sehvan.
Në përgjigje, Pakistani ka ndërmarrë një ofensivë, e cila ka përfshirë mbylljen e disa vendkalimeve kufitare me Afganistanin dhe vrasjen e rreth 100 militantëve.
