Kosovë: Dimri nuk ka kaluar, ja çfarë moti na pret në ditët në vijim

Temperaturat pranverore që mbretëruan këto ditë të shkurtit në vendin tonë, do të përfundojnë qysh nesër, e mërkurë.

Në vendin tonë, të mërkurën temperatura minimale do të jetë minus 1, kurse maksimalja do të arrijë deri në 5 gradë celsius.

Në zonat malore dhe me lartësi të madhe mbidetare mund të ketë edhe reshja të lehta bore, transmeton lajmi.net.

Ndërkaq, në ditët në vazhdim këto temperatura do të shënojnë edhe më shumë rënie. Të enjten në Prishtinë temperatura do të zbres deri në -2 gradë, kurse premten dhe të shtunën deri në -3 gradë celsius.

Gjatë këtyre ditëve, temperatura maksimale nuk do të shkojë më lartë se 5 gradë celsius. /Lajmi.net/