Francë, sot votimi në Partinë Socialiste për kandidatin presidencial

Anëtarët e Partisë Socialiste të Francës e cila është në pushtet, votojnë sot në raundin e dytë të votimeve paraprake për përcaktimin e kandidatit për president në zgjedhjet e ardhshme, raporton Anadolu Agency (AA).

Në këto zgjedhje garojnë ish-ministri francez i Arsimit, Benoit Hamon dhe ish-kryeministri i vendit, Manuel Valls.

Në të gjithë vendin janë ngritur 7.530 qendra votimi, ndërkohë në këto zgjedhje pritet të marrin pjesë 2 milionë votues.

Hamon ka përdorur të drejtën e tij të ushtrimit të votës në jugperëndim të Parisit, në Trappes, ndërsa Valls në Evry, rajon ky që ndodhet në jug të Parisit.

Kutitë e votimit pritet të mbyllën në orën 19:00 sipas orës lokale.

Gjatë turit të parë votuan 1.7 milionë zgjedhës. Në këto votime Hamon mori 36.03 për qind të votave, ndërsa Valls mori 31.48 për qind.