MPJ pret lirimin e shpejtë të Haradinajt
Ministria e Punëve të Jashtme është duke u marrë intensivisht, që nga ora 15:00 e ditës së sotme, me rastin e ndalimit të Ramush Haradinajt, kryetar i AAK-së.
“Ndalimi i tij nga autoritetet franceze është bazuar në një fletarrest të Serbisë të vitit 2004, që për ne është i papranueshëm. MPJ ka nisur notat verbale nëpërmjet Ambasadës tonë në Paris dhe vetë ministri Hoxhaj është marrë personalisht për të shfrytëzuar të gjitha rrugët diplomatike që Haradinaj të lirohet sa më parë”, ka thënë për Telegrafin, Bashmir Xhemaj, shef i Kabinetit te Ministrit Hoxhaj.
