Vajza e Tymoshenkos: Nëna ime vuajti si shqiptarët në burgjet e Serbisë
Eugenia Tymoshenko, vajza e ish kryeministres së Ukrainës, Yulia Tymoshenko, e cila dje u lirua nga burgu, e ka falënderuar rininë, studentët dhe të gjithë qytetarët për pjesëmarrjen në protestat masive në Kiev, kundër presidentit pro-rus Viktor Yaunkovich.
Në protestat kundër diktaturës së presidentit ukrainas Yanukovitch, të cilat filluan që nga nëntori i vitit të kaluar, morën pjesë edhe shqiptarë të Ukrainës.
Eugenia Tymoshenko në një intervistë për agjencinë informative “Presheva Jonë”, ka falënderuar shqiptarët për angazhimin që kanë dhënë për lirimin e nënës së saj.
“Nëna ime ishte viktimë e hakmarrjes politike e regjimit të ish presidentit Yaunkovich. Ajo ka vuajtur si shqiptarët në burgjet e Serbisë”, ka theksuar Eugenia, e cila ka i bëri apel komunitetit ndërkombëtar të ndërhyjë për të marrë masa ndaj diktatorit të fundit të Evropës në Ukrainë, të cilin e bën përgjegjës për dhjetëra viktima në protestat e ditëve të fundit në Kiev.
Gjykata Supreme e Ukrainës kishte refuzuar apelin e ish kryeministres Yulia Tymoshenko, kundër dënimit shtatëvjeçar nën akuzat për shpërdorim të detyrës zyrtare. Tymoshenko është burgosur që në muajin tetor të vitit 2011
