Prishtina rrit shpenzimet “e luksit” gjatë 9-mujorit
Më shumë se 73 milionë euro i ka planifikuar Komuna e Prishtinës që t’i shpenzojë gjatë 9 muajve të parë të këtij viti, por gjatë kësaj periudhe ka shpenzuar vetëm 40 milionë prej tyre, apo 54.71% të buxhetit të planifikuar për shpenzime, shkruan sot “Koha Ditore”.
Nga të gjitha kategoritë e shpenzimeve, më së paku janë realizuar shpenzimet për investime kapitale, ku kanë qenë të planifikuara të bëhen afro 34 milionë euro investime për këta nëntë muaj të vitit, por janë shpenzuar vetëm 11 milionë prej tyre, apo vetëm 32.9%.
