Veliçkovski: Buxheti duhet të ulet në 2,9 miliardë
Kryetari i Partisë Liberale Ivon Veliçkovski dhe bartësi i listës të kandiditëve për deputetë në Njësinë e tretë zgjedhore Danço Markovski dje ishin në takim me biznesmenë nga Velesi.
Në takim Veliçkovski tha se Buxheti duhet të ulet në 2,9 miliardë euro dhe se 500 milionë euro duhet të përfundojnë te qytetarët dhe bashkësia e biznesit. Duke u përgjigjur në pyetjen e gazetarëve Veliçkovski theksoi se qëllimi i tyre është të rritet punësimi në dy vitet e para, ndërsa parashikohen edhe masa me të cilat do të ulet deficit tregtar i importit të ushqimit.
