Familjet e rrezikuara sociale të lirohen nga faturat për komunalet
Iniciativa qytetare 8 shtatori kërkon nga Qeveria e Republikës së Maqedonisë dhe Bashkësia e Njësive për Vetëqeverisje Lokale (BNJVL) që familjet e rrezikuara sociale të lirohen nga faturat e ujit dhe komunalet, si dhe të gjithë anëtarët e familjes së rrezikuar sociale të kenë bileta pa pagesë për transport publik në të gjitha komunat.
Këto masa nuk do të kenë implikacione të rëndësishme mbi buxhetin e komunave, vlerësojnë nga kjo Iniciativë.
“Varfëria në Republikën e Maqedonisë nga viti në vit është në rritje, nga këtu shfrytëzojmë rastin që edhe një herë të përkrahim protestën e punëtorëve të falimentuar”, thonë nga 8 Shtatori.
Nga 8 Shtatori mendojnë të organizojnë një protestë kundër varfërisë ku do të ftohen institucionet shtetërore që të ndalojnë të harxhojnë para për përmendore dhe ndërtesa, paralajmëruan nga Iniciativa qytetare.