BDI-ja e filloi fushatën elektorale me vizita në Llabunishtë e Tetovë
Bashkimi Demokratik për Integrim filloi fushatën elektorale edhe në Zonën 5 zgjedhore ku kandidatët për deputet bashkë me bartësin e listës për këtë zonë Agim Shaqiri vizituan Llabunishtën.
“Lufta e UÇK-së në vitin 2001 ktheu dinjitetin tonë dhe ktheu edhe arsimin shqip në këto vendbanime. Pikërisht Llabunishta dhe banorët e saj, bashkë me strukturat e BDI-së bënë të hapet shkolla në gjuhën shqipe dhe që nga viti 2005 shkolla në Llabunishtë frymon shqip”, tha bartësi i listës së Bashkimit Demokratik për Integrim në Njësinë e pestë zgjedhore Agim Shaqiri.
Siç theksoi edhe kreu i listës Shaqiri, BDI nuk do lejojë asnjë lloj regresi të arsimit shqip dhe mori si shembull vendbanimin e tij ku falë BDI-së , në vitin 2005 u themelua shkolla e parë shqipe të cilës nga viti në vit, po I shtohen paralelet në gjuhën amë.
Nga BDI në Shkup bartësit e listës për Njesitë 1 dhe 2, Artan Grubi dhe Ejup Alimi vizituan Muzeun E Lirisë, të njohur si Muze i Luftës së UÇK-së.
“Këtu është baza që duhet të mësojmë edhe për gjeneratat e ardhshme, që të mos harrojmë të kaluarën dhe të ndërtojmë të ardhmne. Muzeu I UÇK-së përmban në vete shënime historike të shqiptarëve. Ne si bartës të listës zgjedhore numër 2 dhe kolegët e zonës 1 fillojmë nga baza e cila është bazë e shqiptarve në përgjithsi në Republikën e Maqedonisë”, u shpreh Alimi.
Ndërkaq, kandidatët e BDI për deputet të Njesisë së gjashtë zgjedhore vizituan Zonën e lirë ekonomike në Tetovë ku realizuan takim me udhëheqësit e kompanisë investuese NORMAK Investment GROUP.
Kandidati për deputetë në këtë njësi zgjedhore Talat Xhaferri theksoi se barazia ekonomike, ndarja e barabart e resurseve do jenë dy shtyllat në të cilat do mbështetet paltforma e BDI-së në zgjedhjet e parakohshme që do të mbahet më 11 dhjetor.