Lunaçek: Trump president, nuk është lajm i mirë për Kosovën
Nënkryetarja e Parlamentit Evropian dhe raportuesja për Kosovën në këtë Parlament, Ulrike Lunaçek ka thënë se zgjidhja e republikanit Donad Trump për president të Shteteve të Bashkuara të Amerikës nuk është lajmi më i mirë për Kosovën
Lunaçek ka thënë se do të parapëlqente që demokratja, Hillary Clinton të fitonte këtë garë, pasi sipas saj Trump është krenar me raportet e mira me presidentin rus, Vladimir Putin, transmeton Klan.al.
“Zgjedhja e Trumpit në SHBA, frikësohem se për Kosovën nuk është lajmi më i mirë. Do të ishte shumë më mirë dhe unë personalisht do të parapëlqeja që Hillary Clinton të fitonte. Sepse ai është një president i cili ndihet krenar për marrëdhëniet e mira me Putinin, ne në Bashkimin Evropian dhe as në Ballkan nuk i duam këto synime”, ka deklaruar Lunaçek.
