SHBA-ja në luftërat në Mosul shfrytëzon helikopterë “Apaçi”
SHBA-ja i ka aktivizuar helikopterët e saj sulmues “Apaçi” në betejën për okupimin e qytetit irakian Mosul, që muajin e kaluar e filluan forcat irakiane, transmetuan mediat franceze, duke e cituar zëdhënësin e Pentagonit Piter Kuk.
Helikopterët janë shfrytëzuar në qytet për shkatërrimin e automobilave të mbushura me mjete shpërthyese, që vetëvrasësit islamikë i shfrytëzojnë për sulme ndaj forcave irakiane.
SHBA-ja megjithatë ka vetëm dhjetë helikopterë të tillë në Irak, theksojnë nga Pentagoni.
Para Mosulit, këta lloj helikopterësh ishin shfrytëzuar në operacione të caktuara kundër xhihadistëve, veçanërisht gjatë qershorit në luginën e lumit Tigër.
Shfrytëzimi “Apaçi” në betejën për Mosulin tregon çfarë rreziqe ka ndërmarrë presidenti Barak Obama me qëllim që ta shkatërrojë organizatën Shteti Islamik.
Zëdhënësi i Pentagonit, gjithashtu, tha se SHBA-ja është e gatshme të kryejë sulme të reja ajrore ndaj luftëtarëve të SHI-së në qytetin libian Sirt, përderisa Qeveria libiane, e cila mbështetet nga KB-ja, këtë e kërkoi nga ata, transmetuan mediat britanike.
Nga gushti deri tani, SHBA-ja ka kryer mbi 350 sulme ajrore ndaj SHI-së në Sirt në kërkesë të Qeverisë libiane. Sulme, megjithatë, më nuk janë kryer që nga fundi i tetorit.
SHI-ja ka ndërmarrë kontroll të plotë ndaj Sirt në fillim të vitit 2015.
