Ushtria irakiane merr nën kontroll 12 fshatra nga ISIS-i në Mosul
Ushtria irakiane ka marrë nën kontroll 12 fshatra në jug dhe perëndim të Mosulit nga organizata terroriste ISIS, raporton Anadolu Agency (AA).
Në një deklaratë me shkrim nga komanda e operacioneve të koordinuara, thuhet se forcat e sigurisë kanë marrë kontrollin e 12 fshatrave në jug dhe perëndim të qytetit të Mosulit.
Nga ana tjetër Xhebbar Hasan, një zyrtar i ushtrisë irakiane, ka thënë për AA se forcat militare Hashdi Shabi kanë marrë nën kontroll disa rrugë në perëndim të Mosulit nga ISIS-i.
Hasan ka deklaruar se forcat militare të Hashi Shabi-t janë vendosur në kodrat ku mund të montirohet rruga që lidhe Mosulin me Rakkan.
Ushtria irakiane e mbështetur nga forcat e Irakut të Veriut, Peshmerge, si dhe forcat ajrore të koalicionit ndërkombëtarë kundër ISIS-it, nisën një ofensivë më 17 tetor për shpëtimin e Mosulit nga ISIS-i.
