Në Francë arrestohet njëri prej liderëve të ETA-s

Një nga liderët më të theksuar të organizatës separatiste baske ETA, Mikel Irastorska është arrestuar sot në juglindje të Francës, kumtuan autoritetet spanjolle.

Irastorsa është gjetur në shtëpinë e tij në qytetin francez Asken, në rajonin e Pirineut në kufirin me Spanjën, thuhet në kumtesën e Ministrisë spanjolle të Punëve të Brendshme.

Sipas burimeve franceze, është arrestuar edhe një çift martesor, i cili i ka mundësuar strehimore Irastorsës.

Bastisja, të cilën e kanë kryer forcat franceze të sigurisë në bashkëpunim me gardën civile spanjolle, ka qenë e orientuar drejt “strukturës lidere të ETA-s”.

MPB-ja spanjolle thekson se operacioni ka vazhduar dhe ka mundur të pasojnë edhe arrestime shtesë.