Zaev: Nuk do të ketë pushime nga administrata, qytetarët do të punojnë me rehati
“Po ju flas nga kryeqyteti, nga qendra administrative e Republikës duke dashur të dërgoj mesazhin se: do të kemi administratë profesionale, të shkëmbyeshme dhe të zellshme! Punonjësit e institucioneve shtetërore do të jenë të motivuar për të bërë punën e vet në shërbim të qytetarëve, të mos dënohen dhe të jenë shantazhuar siç janë tani”, tha kryetari i LSDM-së, Zoran Zaev.
“Rrini rehat, nuk do të ketë pushime nga puna në administratë! Kush ua tregon të kundërtën, atë e bën për arsye politike, personale apo arsye të tjera. Ju siguroj, jemi duke i dhënë fund kohës së revanshizmit dhe të ndarjes së popullit për nga listat e partive. Vendi i punës nuk duhet të varet dhe nuk do të varet nëse jeni anëtar i një partie, nëse keni ardhur në një tubim ose nëse keni vënë like në Facebook apo jo”, premton Zaev.
Zaev gjithashtu shtoi se institucionet do të punojnë vetëm në shërbim të qytetarëve, duke shtuar se secili njeri do të ketë mundësi për të punuar, “askush nuk do të ndihet i padobishëm, të jetë i punësuar në letër, dhe të mos ketë karrige për tu ulur”.
Ne ndërtojmë një shtet në të cilin do të vlerësohet puna e çdokujt.
“Ne kemi Plan se si të bëhet kjo: – Orari i punës të jetë në dy ndërrime deri në orën 20 në institucionet kryesore që do të lehtësojë të gjithëve të mos dilni nga puna ose të merrni ditë pushimi apo pushim mjekësor për të përfunduar punët administrative. -Atje ku ka më shumë punonjës se duhet, të punësuarit të punojnë sipas profesionit të tyre, në shërbimet publike ku ka nevojë nga kuadro, me qëllim për të përmirësuar shërbimet për qytetarët. Njëkohësisht, me krijimin e administratës efikase, ne do të krijojmë kushte për zhvillimin e firmave vendase private që do të krijojnë vende të reja pune. Në këtë mënyrë të gjithë qytetarët kanë mundësi për zgjedhje se ku të aplikojnë për një punë dhe të punojnë, atje ku e shohin të ardhmen më të mirë për veten dhe ku ndihen më të dobishëm. Ta dini, do të ndërtojmë një shtet në të cilin do të vlerësohet puna e çdokujt”, deklaroi Zaev.