Franca organizon takim ndërkombëtar në nivel ministrash për Mosulin

Ministri i Punëve të Jashtme të Francës, Jean-Marc Ayrault, tha se vendi i tij ditën e enjte do të organizojë një takim ndërkombëtar në nivel të ministrave në lidhje me ardhmërinë e Mosulit, raporton Anadolu Agnecy (AA).

Ayrault në takimin e tij me korrespondentët diplomatik, tha se “Pas operacionit të koalicionit ndërkombëtar, për përgatitjen e ardhmërisë politike të Mosulit, në Paris ditën e enjte do të organizojmë një takim ndërkombëtar të nivelit të ministrave”.

Ai njoftoi se në mbledhje do të marrin pjesë rreth përfaqësues nga 20 shtete, përfshirë SHBA-të, Turqinë, BE-në dhe vendet nga rajoni i Gjirit.

Ministri francez potencoi se së bashku me homologun e tij irakian Ibrahim Xhaferi do të kryesojnë mbledhjen. “Duhet të kontribuohet në përgatitjen e stabilitetit të Mosulit në ditët pas operacionit ushtarak”, tha ai për të shtuar se Irani nuk është ftuar në këtë takim.

“Duhet fituar luftën, por duhet të shikojmë rrugët të cilët do të na mundësojnë ta fitojmë paqen”, tha Ayrault.

Sipas tij, prioriteti i tyre është mbrojtja e civilëve në Mosul dhe në fshatrat në rrethinë si dhe shpërndarja e ndihmave humanitare për to. Ai tha se qeveria irakiane duhet të bëjë gati planin e stabilitetit në Mosul dhe rajon.

Ministri francez paralajmëron se ikja e terroristëve të DEASH-it të cilët nga Mosuli do të përzihen në Siri është një shqetësim tjetër.

Ministrat e Mbrojtjes së shteteve të cilat mbështesin koalicionin ndërkombëtar në Mosul më 25 tetor do të takohen në Paris.