Shkup: Dy grupe të nxënësve të mitur rihen mes vete

Dy grupe të nxënësve të mitur,  në shkollën e mesme të edukatës fizike ”Metodija Mitevski Brico” dje fizikisht kanë qërruar hesape në fast food-in “Pit Stop”.

Ministria e Punëve të Brendshme kumtoi se përderisa D.C. (16), D.T.(16), I.N.(16), M.N.(16) dhe V.A.(16), kanë qenë ulur në fast food-in dhe aty kanë ardhur nxënës nga shkolla e njëjtë dhe pa rast dhe arsye  fizikisht i kanë sulmuar duke shfrytëzuar inventarin e fast-foodit, me ç’rast kanë dëmtuar një pjesë të madhe të inventarit.

Pas masave të ndërrmara nga ana e nëpunësve policor, të arrestuarit janë N.V.(17), K.A.(16), A.E.(15), O.B.(18), S.A.(18), D.C.(16), V.A.(16), I.N.(16), dhe M.N.(16), ndërsa pas dokumentimit të tërësishëm  të rastit do të parashtrohet parashtresë adekuate.