Përmbytje në Laç, humb jetën 48-vjeçari
Përmbytjet e mbrëmshme në Laç kanë shënuar viktimën e parë. 48 vjeçari, Kol Menga, ka humbur jetën nga reshjet, njofton sot.com.al.
” Më datë 10.10.2016, rreth orës 23:40, si pasojë e reshjeve të dendura të shiut, në vendin e quajtur “Kodra e Bushit” në Laç, në një kanal ka gjetur vdekjen shtetasi Kol Menga, rreth 48 vjeç, banues në Laç – Kurbin.”-njoftoi policia.
Nga kryerja e veprimeve hetimore rezulton se ngjarja ka ndodhur në mënyrë aksidentale si pasojë e mbytjes në ujë.
Në këtë situatë të krijuar nga reshjet e dendura të shiut, në Laç janë angazhuar forcat policore të Komisariatit të Policisë Kurbin në bashkëpunim me grupe të FNSH-së Shkodër me qëllim ndihmën në evakuimin e banorëve si dhe në çdo rast tjetër në nevojë.
